الموتسيكلات و غزة

[ندعوك للتسجيل في المنتدى أو التعريف بنفسك لمعاينة هذا الرابط]

أخبار فلسطين/مدوَّنات

الموتسيكلات و الفزب في غزة…

اليوم
بدنا نحكي عن قصة الموتسكيلات و الفزب في القطاع يعني ما شاء الله اللهم
لا حسد ربنا مكتر الفزب عندنا .. يعني تقريبا ما بتقدر تعدي شارع او تمشي
بطريق الا و تلاقي فزبة بوجهكـ و فزبة عن اليمين و عن الشمال… ظاهرة مزعجة
جدا جدا..يوميا بنسمع عن حوادث فزب مثلا فزبة ضربت بسيارة او فزبة بطح
تزحلقت ع طريق صلاح الدين او فزبة ضربت بشحن او فزبة ضربت بالرصيف حتى مرة
اسمعنا ان فزبة ضربت بجيب للشرطة هههه…

او
فزبة قلبت لورا و صاحبها بيحاول يعمل حركة بهلوانية فيها علشان يثبت انه
بطل زمانه .. و المصيبة و الكارثة الاكبر و الافظع ان اغلب الي بيسوقوا
الفزب اولاد صغار “ولد يعني” او بصيغة المصريين ” عيال” يعني الولد بيكون
لسا ما طلع من البيضة و هوا راكب فزبة و مسوي حاله ابو الرجال ..

و
بيسوي تفحيطات ع النظام السعودي …انتشار الموتسيكلات و الفزب ظااهرة
متناقضة جداا جداا .. لانها انتشرت بالحصار بتيجي عن طريق الانفااق يعني
العقل بيقول ان في حصار مفروض يكون عدد الفزب قبل الحصار اكثر بس الحقيقة
ان قبل الحصار كان عددهن قليل جدا جدا يعني بكل الحارة ما بتلاقي الا عمي
ابو محمود الي شاري الفزبة علشان يجيب عليها البضاعة للدكانة بس الحين من اصغر ولد لاكبر شايب كله فزب يا عمي فزززززب …

اشي
دايون اربعين و اشي حلاوة و اشي بطة و اشي بطح و اشي طزطز …تاريخ انتشار
الفزب بيرجع الى الفتحة الاولانية لمصر لما انسحبوا اليهود من القطاع قبل
5سنين و فتحت مصر لمدة اسبوع او اكثر من ناحية رفح المصرية و تدفق اكثر من
مليون غزي جوا رفح المصرية و سينا ثم الفتحة الثانية قبل سنتين لما الحصار
كان في اوج شدته و ما كان في انفاق فراحت المقاومة فجرت الجدار العازل و
الانتشار الاكبر للفزب بشكل مبالغ فيه ابتدأ من سنة تقريبا لما صارت تجارة
مربحة جدا لاصحاب الانفاق …الكل صار من ساائقي الدرجات البخارية …

انا
عن نفسي ما في عندي اي مشكلة ان شاء الله يكون لكل طفل بيرضع فزبة بس بشرط
يكونوا يعرفوا يسوقوا الفزب بدل ما هموا ليل نهاار بيقتلوا بخلق الله
…نفسي نفسي بيوم اقعد في قعدة و ما اسمع عن حاادث فزبة .. بس يلااا خلوها
على الله …بتعدي ..